هذي قصيدة ولا واش ؟؟؟؟؟؟؟؟؟؟
نصحوني صحابي مرة بالزواج ... و قالولي بركاك من التعواج
راهي رايحة تديك المواج ... إذا بقيت في العزوبية
بقيت نطلع في الحساب ... و لقيت كلامهم صواب
و في الغد بعثتهم نواب ... يطرحوا لأهلي القضية
بابا وافق في الحال ... و قال نجيبوا بنت الخال
و يما جاها في البال ...تخطبلي وحدة بدوية
تفاهمنا على بنت المدينة ... قالو فاهمة ورزينة
راهي تمخمخ في الكوزينة ... وتطبخ طبخات شهية
عولنا وقصدنا الدار ... حاملين في يدينا النوار
ودرنا وحنا زوار ... قاصدين البنت المعينة
الراجل في بنتو يشكر ويزيد ... قارية وما تركت مسيد
وصحيحة كي الحديد ... بنت العلم والتربية
قلت واش هي الشروط ... راني صرت ليكم مربوط
ومالي عندكم محطوط ... ونزيدلكم الشهرية
قالي يا وليدي سجل ... 20 صباط باش تبدل
و 50 سروال مفصل ... و يكونو ضيقين شوية
وزيد كيلو ذهب صافي ... تجيبو وانت زاهي
والشنتوف ما هو كافي ... راني درت فيكم مزية
بنتي راهي غالية وشريفة ... ما تتركش يدها خفيفة
20 خاتم في القفيفة ... تحطهم في يدها هي
وسلسله غاليه ما تنساش ... والمليون لازم يكون معاك
والحايك مرمة لازم تلقاه ... وتقدمو لبنتي هدية
قالي يا السي موووح ... بلاك تنسى خيط الروح
باش يزيد لبنتي الروح ... تبقالك ديما حية
تشريلها عشر كباش ... والجاج مشوي ما تنساش
وزيدلها شوية قماش ... هادي حاجة رمزية
بنتي ما تضربش النشاف ... ومن الحمام تخرج بلا تلحاف
وشعرها جيبلو حفاف ... وتزور امها كل عشية
الطفلة نطقت ملهيك ... يا بابا لازم تنهيه
يتركني نحكم فيه ... ويمشي معايا بالنية
قالي الشرط ما خلاص ... نقراو الفاتحة قدام الناس
قلتلو راني لباس ... ومنين نهرب يا خويا
درنا العرس نهار الخميس ... وكثر فيه الهراج والتهريس
المطرب يخلط على الناس ... والدرباكي يعفس تعفاس
والجمهور راهو نعاس ... والبراح يبرح شوية
جابو العروسة للبيت ... كي شفتها من الخوف بكيت
شعرها على الطابلة محطوط ... وراسها من الشعر مزبوط
رافدة معاها عشر قطوط ... تلعب لعبة هزلية
لقيتها مركبة قطع غيار ... شعرها وحواجبها ولشفار
و كي ضحكت كل شيء طار ... هادي ماركة عصرية
قالت لازم نبقى حرة ... ويماك لازم ترميها برة
وما تكثرش الهدرة ... أنا طفلة حضرية
قلت يا امرة لازم تفهمي ... ترفدي حوايجك و تلمي وتطيري ليوم عليا
مرحبا أيها الزائر الكريم, قرائتك لهذه
الرسالة... يعني انك غير مسجل لدينا في الموقع .. اضغط هنا للتسجيل .. ولتمتلك بعدها المزايا
الكاملة, وتسعدنا بوجودك
